डा. केसीको जीवन रक्षाको माग गर्दै साझा पार्टीद्वारा काठमाडौंमा प्रदर्शन
काठमाडौं । अनसनरत डा. गोविन्द केसीका माग पूरा गर्नुपर्ने भन्दै साझा पार्टीले मंगलबार काठमाडौंमा सडकमा प्रदर्शन गरेको छ । ‘सेभ डा.केसी, वि आर विथ डा. केसी, डा.केसीको जीवन रक्षा गर’ लगायतका पम्प्लेट छातीमा टाँसेर साझा पार्टीका नेता तथा कार्यकर्ताहरुले सडक प्रदर्शन गरेका हुन् ।
प्रदर्शनका क्रममा उनीले डा केसीको मानव प्रर्तिमुर्ति बनाएका थिए । यसका साथै उनीहरुले डा केसीको जीवन रक्षासहित विभिन्न मागहरु पूरा गर्न समेत सरकारसँग माग गरेका छन् ।
देशमा मेडिकल शैक्षिक प्रणाली सुधारका काम सरकारले माफियासँग मिलेर गरेको उनीहरुको आरोप थियो । २३ दिनदेखि डा. केसीले विभिन्न माग राखेर अडानका साथ महाराजगञ्जस्थित शिक्षण अस्पतालमा अनसन जारी राखेका छन् ।
