सरकारले विद्यालय शिक्षा सम्बन्धी आकस्मिक कार्ययोजना कार्यान्वयनमा लैजाने
काठमाडौं । शिक्षा, विज्ञान तथा प्रविधी मन्त्रालयले विद्यालय शिक्षा सम्बन्धी आकस्मिक कार्ययोजना कार्यान्वयनमा लैजाने तयारी गरेको छ ।
मन्त्रालयले मंगलबार पत्रकार सम्मेलन गरी शिक्षा, विज्ञान तथा प्रविधिमन्त्री गिरीराजमणी पोखरेलले असोज १ गते बसेको मन्त्रिपरिषद् बैठकले विद्यालय शिक्षा सम्बन्धी आकस्मिक कार्ययोजना २०७७ स्वीकृत भएको भन्दै अब कार्यान्वयनमा जाने बताएका हुन् ।
आकस्मिक कार्ययोजनाले बसाई स्थानान्तरण भएका विद्यार्थीहरुको तथ्याङ्क संकलन, सबै बालबालिकाका लागि पाठ्यपुस्तक उपलव्धताको सुश्चिततामा जोड दिइएको मन्त्री पोखरेलले जानकारी दिए ।
त्यस्तै शैक्षिक सत्रमा विद्यार्थीले सिक्नुपर्ने बिषबस्तु, शिक्षण विधि र मूल्याङ्कन प्रक्रियाका लागि ढाँचा विकास, नमूना स्वअध्ययन सिकाइका सामाग्रीहरुको विकासलाई कार्ययोजनामा समेटिएको मन्त्री पोखरेलले बताए ।
कार्ययोजनाको कार्यान्वयन प्रक्रियामा तीनै तहका सरकारका साथै बिद्यालय, सामाजिक एवं गैह्सरकारी संस्थाहरु र नीजि क्षेत्रको अहम् भूमिका रहेको उनले बताए ।
कार्ययोजनाको कार्यान्वयनका लागि आवश्यक पर्ने बजेटको प्रवन्ध, स्रोेतमा साझेरीका लागि समन्वय, सामग्री विकास र व्यवस्थापन, अनुगमन लगाएतका समग्र सहजीकरणको काममा समेत संघीय सरकारको निकायको रुपमा शिक्षा मन्त्रालयले कार्य गर्ने मन्त्री पोखरेलले बताए ।
