राष्ट्रपतिको सञ्चार सल्लाहकारमा टीका ढकाल नियुक्त
काठमाडौं । राष्ट्रपति विद्यादेवी भण्डारीले आफ्नो सूचना तथा सञ्चार विज्ञ सल्लाहकारमा टीका ढकाललाई नियुक्त गरेकी छन् ।
राष्ट्रपति भण्डारीले पाँचथर निवासी ढकाललाई राज्यमन्त्रीसरहको सेवा सुविधा पाउने गरी विज्ञ सल्लाहकार नियुक्त गरेकी हुन् । यसअघि राष्ट्रपतिको सञ्चार पोखराका पत्रकार माधव शर्माले हेर्दै आएका थिए । शर्मासहित सुरक्षा सल्लाहकार नेत्र थापा र विज्ञ सल्लाहकार सुशील प्याकुरेलले राजीनामा दिइसकेका छन् ।
ढकाल अन्तर्राष्ट्रिय मामिलाका विज्ञ हुन् । उनले त्रिभूवन विश्वविद्यालयबाट अंग्रेजी र राजनीतिशास्त्र तथा अमेरिकाबाट द्वन्द्व व्यवस्थापनमा स्नातकोत्तर गरेका छन् ।
ढकालले सार्क विकास कोषसहित केही अन्तर्राष्ट्रिय संस्थामा काम गरेका छन् ।
