नेपाली कांग्रेसद्वारा संविधान संशोधन विधेयक दर्ता
काठमाडौं । नेपाली कांग्रेसले संविधान संशोधन विधेयक संसद सचिवालयमा दर्ता गराएको छ । पार्टी केन्द्रीय समिति बैठकको निर्णय अनुसर विधेयक दर्ता गराइएको हो ।
विधेयक दर्ताका लागि सांसदहरु प्रदीप गिरी, उमाकान्त चौधरी, अमरेशकुमार सिंह, चत्रलेखा यादव, चेजुलाल चौधरी, अभिशेकप्रताप शाह, नमिता चौधरी, पद्य्मनारायण चौधरी लगायत संसद सचिवालय पुगेका थिए ।
विधेयकले सम्पूर्ण जनतालाई समानताको बोध हुने र तराई मधेशमा भएको असन्तुष्टिलाई समेत सम्बोधन गर्ने कांग्रेस नेता अमरेशकुमार सिंहले बताए । कांग्रेस सांसदहरुले दर्ता गराएको विधेयकमा प्रदेशको सिमाना हेरफेर, नागरिकता, भाषा र राष्ट्रिय सभाको प्रतिनिधित्वको विषयमा संशोधन गर्ने विषयहरु राखिएका छन् ।।
