विविधता भित्रको एकता नै हाम्रो मौलिक विशेषताः प्रचण्ड
काठमाडौं । सत्तारुढ नेकपाका अध्यक्ष पुष्पकमल दाहाल प्रचण्डले मुस्लिम समुदायको महान् चाड ईदुल फित्रको अवसरमा स्वदेश तथा विदेशमा रहनुभएका सम्पूर्ण नेपाली मुस्लिम दिदीबहिनी तथा दाजुभाइहरुलाई शुमकामना व्यक्त गरेका छन् ।
ईदका अवसरमा सोमबार विज्ञप्ति जारी गरी अध्यक्ष प्रचण्डले नेपाल बहुजातीय, बहुभाषिक, बहुसाँस्कृतिक तथा बहुधार्मिक मुलुक भएको भन्दै विविधता भित्रको एकता नै हाम्रो मौलिक विशेषता र पहिचान भएको उल्लेख गरेका छन् । उनले बहुधर्म र संस्कृतिले नै हाम्रो समाजलाई पारस्पारिक सम्मान, सहिष्णुता र सद्भावसहित अगाडि बढ्न अभिप्रेरित गर्ने बताएका छन् ।
