आन्तरिक समझदारीबाट यो काम भए अतिसुन्दरः कमल थापा
काठमाडौं । राष्ट्रिय प्रजातन्त्र पार्टीका अध्यक्ष कमल थापाले सत्तारुढ नेकपाभित्रको आन्तरिक विवाद समाधान भएकोमा खुसी व्यक्त गरेका छन् । आइतबार ट्वीट गर्दै अध्यक्ष थापाले अहिले अस्थिरता सिर्जन गर्नु उपयुक्त नभएको भन्दै आन्तरिक समझदारीबाट यो काम भए अतिसुन्दर हुने बताएका छन् ।
उनले उत्तर, दक्षिण वा पश्चिम जहाँकहाँबाट भएपनि अन्तरिक मामिलामा बाह्य प्रभाव निम्त्याउने काम भने गलत भएको बताएका छन् । अध्यक्ष थापाले लेखेका छन्, ‘जे भयो राम्रै भयो।अहिले अस्थिरता सिर्जनागर्नु उपयुक्त थिएन । आन्तरिक समझदारीबाट यो काम भएको भए अति सुन्दर हुने थियो । यही काम दक्षिणी आकाशवाणी वा रिमोट कन्ट्रोलबाट भएको भए कोलाहल हुने थियो । उत्तर,दक्षिण वा पश्चिम जहाककबाट भएपनि आन्तरिक मामिलामा बाह्य प्रभाव निम्त्याउने कार्य गलत हो ।’
