आफू १७ हजार मान्छे मारेर आएको कुरा सत्य होइनः प्रचण्ड
काठमाडौं । नेपाल कम्युनिस्ट पार्टीका अध्यक्ष पुष्पकमल दाहाल प्रचण्डले टीकापुर घटनामा दोषी ठहर भई जेलमा रहेका रेशम चौधरीलाई छिट्टै छुटाइने बताएका छन् ।
माघीको अवसरमा काठमाडौंको टुँडिखेलमा आयोजित कार्यक्रमलाई सम्बोधन गर्दै अध्यक्ष प्रचण्डले टीकापुर घटनाका झुटा मुद्दा खारेज गर्नुपर्छ भनेर बहस भइरहेको बताएका हुन् ।
उनले केही साथीहरु छुटेका, रेशमलागायका साथीहरु छुट्न बाँकी छ र उनीहरुलाई केही समयमा छुटाइने बताए । प्रचण्डले आफू १७ हजार मान्छे मारेर आएको कुरा सत्य नभएको बताए ।
उनले भने, मलाई ताकेर धेरै कुरा राख्नुभएको छ। म १७ हजार मान्छे मारेर आएको सत्य होइन। सत्य के हो भने १२ हजार मान्छे राज्यको तर्फबाट मारिएका हुन्,पाँच हजारको जिम्मा लिन्छु। हिजोका राजाहरूले १२ हजारको जिम्मा लिनुपर्छ।’
