अब हाम्रो दावी कार्यकारी भूमिका तर्फ बढाउने कि ?
काठमाडौँ । अनेरास्ववियूकी नेतृ सुनिता बरालले नेपाल कम्युनिष्ट पार्टी (नेकपा) को कार्यकारी नेतृत्वको लागि महिला तयार बताएकी छन् ।
नेकपाको जारी स्थायी कमिटीको बैठकमा महिला नेताहरूले पार्टी उपाध्यक्ष र सचिवालय सदस्यमा मागदावी गरिरहेको विषयलाई लिएर नेता बरालले यस्तो धारणा राखेकी हुन् ।
उनले सामाजिक सञ्जालमा लेखेकी छन्,‘पार्टीको माथिदेखि तलसम्म महिला उपाध्यक्ष पदमा नै व्यवस्था गरिनुपर्ने मागको खास तात्पर्य मैले चै बुझ्न सकिन। पार्टीको सबै तहका संरचनामा महिला नेतृत्व हुनुपर्छ भन्नेमा सधैंभरि छु। अब हाम्रो दावी कार्यकारि भूमिका तर्फ बढाउने कि संख्या पुर्याउनमा छलफल गरौं।’