धरानका मतदाताको भरोसा बन्दै साझा पार्टी



धरान । सम्भावनाको खानी हुँदाहुदै पनि धरानको काँचुली फेरिन नसक्नुमा धरानको बागडोर सम्हालेका पुराना पार्टीका नेतृत्व सबै भन्दा बढी जिम्मेवार भएको साझा पार्टीका नेताहरुले औल्याएका छन् ।

धरानको भानु चोकमा आयोजित चुनावी कोण सभामा बोल्दै साझा पार्टीका केन्द्रीय सदस्य प्रकाशचन्द्र परियारले धार्मिक, सांस्कृतिक, पर्यटकीय र शैक्षिक गन्तब्यको रुपमा प्रचुर सम्भावना भएको धरानलाई नेपालकै उत्कृस्ट नगरी बनाउन बिगतका नेतृत्वले नसक्नुमा उनीहरुको अदुरदर्शी नीति र कमिसनमा होमिएको पार्टीलाइनका कारण भएको भन्दै नयाँ सोच भएका इमान्दार र क्षमतावान युवा पुस्ताले मात्र धरानको मुहार फेर्न सक्नेमा जोड दिए ।

पार्टीका केन्द्रीय सदस्य अनिल भेटवालले नेपालको विकृत राजनीतिको छाया धरानमा पनि परेकाले राजनीतिनै सुधारका लागि साझा पार्टी जनता माझ आएकोमा जोड दिए ।

केन्द्रीय सदस्य भीमप्रसाद अधिकारीले देश र नगरका लागि योगदान दिन आएका साझा पार्टीका कर्मठ इमान्दार र क्षमतावान युवा उमेदवार राजन श्रेष्ठ उत्कृष्ठ विकल्प भएकोमा जोड दिए ।

धरानका मेयरका उमेदवार राजन कुमार श्रेष्ठले धरानलाई समृद्ध नगरी बनाउन आफ्नो भिजनलाइ कार्यान्वयन गर्न सक्ने विज्ञ समूहका साथ आफूले उमेदवारी दिएको भन्दै धरानको मुहार फेर्न आफू सक्षम रहेको उल्लेख गरे ।

धरान नगर संयोजक सुदन श्रेष्ठले धरानका सचेत मतदाता साझा पार्टी विकल्पका रुपमा उदाएको भन्दै विजयी हुनेमा ढुक्क रहेको उल्लेख गरे ।

साझा पार्टी सुनसरीका संयोजक राम गिरीका अनुसार घर दैलोमा मतदाताले देखाएको उत्साह र बिगतमा परम्परागत दलहरुले गरेका बदमासीले जनता दिक्क भएकाले पनि साझा पार्टी प्रति ठुलो भरोसा सिर्जना भएको छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
प्रधानमन्त्री देउवाको चुनावी खर्च २६ लाख १२ हजार

डडेल्धुरा । यही मङ्सिर ४ गते भएको प्रतिनिधिसभा तथा प्रदेशसभा सदस्य निर्वाचनमा भाग

कांग्रेसको नेतृत्वमा निर्माण हुने आगामी सरकारले गुमाएको लाखौँ जनमत समेट्नुपर्छः महामन्त्री थापा

विराटनगर । नेपाली कांग्रेसका नेता डा. शेखर कोइरालाले गठबन्धनको नेतृत्वमा आगामी सरकार गठन

मन्त्रिपरिषद बैठकमा मन्त्रीहरुको प्रस्तावः ब्याजदरले अर्थतन्त्रमा गम्भीर समस्या आउनसक्छ, सरकारले हस्तक्षेप गर्नुपर्छ

काठमाडौं । मन्त्रिपरिषद् बैठकमा अहिलेको मौद्रिक नीति, बैंकले तोकेको ब्याजदरले उद्योगी व्यवसायीलाई उद्योग

महानगर बाहिरका क्षेत्रमा पनि मेलम्चीको पानी पुर्याउन पौडेलको माग

काठमाडौं । नेपाली कांग्रेसका नेता तथा काठमाडौं क्षेत्र नम्बर ५ का सांसद प्रदीप