सामाजिक सुरक्षा योजना सबै नागरिकको जीवन सुखमय बनाउनः मन्त्री विष्ट
काठमाडौं । श्रम, रोजगार तथा सामाजिक सुरक्षामन्त्री गोकर्ण विष्टले सरकारले सामाजिक सुरक्षा योजना अन्तरगत हरेक नागरिकको जीवनलाई सुखमय बनाउन चाहेको बताएका छन् ।
काठमाडौंमा शुक्रबार आयोजित कार्यक्रममा मन्त्री विष्टले अप्ठ्यारो परेका बेला साथ दिने उल्लेख गर्दै सामाजिक सुरक्षा योजनामा सहभागी हुन ढिलाई नगर्न सबैलाई आग्रह गरे ।
उनले हरेक नागरिकको सुखद भविष्यको चाहनालाई पूरा गर्ने गरी आएकाले यो योजनामा सबैको सहभागिता अनिवार्य रहेको बताए । मन्त्री विष्टले नागरिकको सुरक्षित भविष्यका लागि पनि सरकारले सबै नागरिकलाई पेन्सनको व्यवस्था हुने गरी सामाजिक सुरक्षा योजना कार्यान्वयनमा ल्याएको पनि उल्लेख गरे ।