बुडापेस्ट । हङ्गेरीका प्रधानमन्त्री भिक्टर ओर्बानले युरोपेली सङ्घ (इयु)लाई मध्यपूर्वमा युद्धका कारण बढेको मूल्यको सामना गर्न रुसी तेल र ग्यासमाथिको प्रतिबन्ध अन्त्य गर्न आग्रह गरेका छन् ।
इरानले कच्चा तेल उत्पादक खाडी राष्ट्रहरू विरुद्ध प्रतिशोधात्मक आक्रमण गरिरहेका कारण सन् २०२२ मा रुसले युक्रेनमा आक्रमण गरेपछि पहिलो पटक तेलको मूल्य प्रति ब्यारेल १०० डलरभन्दा माथि पुगेको छ ।
इयुमा क्रेमलिनको सबैभन्दा नजिकको सहयोगी ओर्बानले आफ्नो भिटो शक्तिको प्रयोग गर्दै हङ्गेरीलाई उनीहरूबाट छुट दिन र युक्रेनका लागि युरोपेली सहयोग कम गर्न बारम्बार रूसमाथि लगाइएको प्रतिबन्धको आलोचना गर्दै आएका छन् ।
हङ्गेरीका राष्ट्रवादी नेताले फेसबुकमा प्रकाशित एक भिडियोमा भनेका छन्, “हामीले युरोपभरि रूसी ऊर्जामा लगाइएको सबै प्रतिबन्धहरूको समीक्षा र निलम्बन गर्नुपर्दछ । मैले आज युरोपेली आयोगकी अध्यक्ष उर्सुला भोन डेर लेयनलाई पत्र लेखेर यसको पहल गरेको छु ।”
उनले रुसी तेल आपूर्तिमा ठप्प भएको कारण छिमेकी देश युक्रेनसँग हङ्गेरीको बढ्दो विवाद पनि इयुका लागि पनि ‘गम्भीर खतरा’ बनेको दाबी गरेका छन् ।
हङ्गेरी, छिमेकी स्लोभाकियाले युक्रेनलाई जानाजानी दुई भूपरिवेष्ठित इयू सदस्य राष्ट्रहरूमा रूसी तेल पम्प गर्ने ड्रुज्बा पाइपलाइन पुनः खोल्न ढिलाइ गरेको आरोप लगाएको छ । किएभले भने यसलाई जनवरीमा रूसी आक्रमणबाट क्षतिग्रस्त भएको बताएको छ ।
ओर्बानले युद्धग्रस्त देशलाई ९० अर्ब युरो (१०६ अर्ब डलर) को इयुको ऋण रोक्दै आएका छन् र ‘युक्रेनी तेल नाकाबन्दी’ लाई लिएर मस्कोमाथि नयाँ चरणको प्रतिबन्ध लगाइरहेको छ ।
राष्ट्रवादी नेताले हालै अप्रिल १२ मा हुने संसदीय चुनावअघि युक्रेनमा राजनीतिक आक्रमण बढाएका थिए ।
हङ्गेरीले युक्रेनी राष्ट्रिय बैङ्कका सात कर्मचारीलाई पक्राउ गरी अस्ट्रियाबाट ल्याउँदै आएको ८० मिलियन डलर नगद र नौ वटा सुनका बारहरू जफत गरेपछि सप्ताहन्तमा सम्बन्धमा नयाँ तनाव थपिएको थियो।
प्रतिक्रिया