बेइजिङसँग सहकार्य गर्न दक्षिण कोरियालाई चीनको आग्रह

बेइजिङ । चिनियाँ राष्ट्रपति सी चिनफिङले दक्षिण कोरियाका राष्ट्रपति ली जे म्युङलाई ‘जटिल र अशान्त’ बन्दै गएको विश्वमा ‘सही रणनीतिक छनौट’ गर्न बेइजिङसँग सहकार्य गर्न सोमबार आग्रह गरेका छन् ।

ली ६ वर्षपछि चीनको राजधानी भ्रमण गर्ने पहिलो दक्षिण कोरियाली शीर्ष नेता हुन् र सीसँगको भेट आणविक हतियार सम्पन्न उत्तर कोरियाले जापान सागरमा दुई ब्यालेस्टिक क्षेप्यास्त्र प्रहार गरेको भोलिपल्ट भएको हो।

भेनेजुएलाका राष्ट्रपति निकोलस मदुरोलाई पदच्युत गरी लागूऔषध तस्करीको आरोपमा न्यूयोर्क लगेपछि सीको उक्त भनाइ आएको हो ।

चिनियाँ सरकारी समाचार एजेन्सी सिन्ह्वाका अनुसार सोमबारको वार्तामा सीले विश्व अहिले तीव्र परिवर्तनबाट गुज्रिरहेको र अन्तर्राष्ट्रिय अवस्था जटिल र अशान्त बन्दै गएको चेतावनी दिएका थिए ।

बेइजिङ र सियोलले यस क्षेत्रमा शान्ति कायम गर्न महत्वपूर्ण जिम्मेवारी वहन गर्ने र दुवै देशको साझा चासोका बिषय व्यापक रहेको सीले बताए ।

सीलाई उदृत गरी चिनियाँ सञ्चारमाध्यमले लेखेका छन्, “उनीहरूले इतिहासको सही पक्षमा दृढतापूर्वक उभिनु पर्छ र सही रणनीतिक छनौट गर्नुपर्दछ।”

त्यसपछि दक्षिण कोरियाली नेताले आफू र सीबीचको विश्वासका आधारमा सम्बन्धमा नयाँ चरण सुरु गर्न चाहेको बताएका थिए ।

दक्षिण कोरियाली समाचार संस्था योनहापले प्रसारण गरेको फुटेजमा उनले कोरियाली प्रायद्वीपमा शान्तिका लागि मिलेर सम्भव विकल्प खोज्ने प्रतिबद्धता व्यक्त गरेका छन् ।

त्यस क्रममा नेताहरूबीच प्राविधिक नवीनता, वातावरण, यातायात र व्यापारका विषयमा ‘१५ सहयोग दस्तावेजहरू’ मा हस्ताक्षर भएको सिन्ह्वाले जनाएको छ ।

व्यापार र प्रविधि नेताहरूको प्रतिनिधिमण्डलसँगै लीले आफ्नो देशको सबैभन्दा ठूलो व्यापारिक साझेदारसँग आर्थिक सहयोग विस्तार गर्ने प्रतिबद्धता हासिल गर्ने आशा गरेका छन् ।

उनले दक्षिण कोरिया र चीनलाई ‘अधिक तेर्सो र पारस्परिक लाभदायक’ व्यापारका लागि काम गर्न आह्वान गरेका छन् ।

योनहापका अनुसार लीले सोमबार दक्षिण कोरियाली र चिनियाँ फर्मका शीर्ष कार्यकारीहरूसँग बेइजिङमामा भेट गरेका थिए ।

दक्षिण कोरिया र चीनले एक अर्कालाई एक आपसमा जोडिएको औद्योगिक आपूर्ति श्रृंखलाको माध्यमबाट विकास गर्न मद्दत गरेका छन् र विश्व अर्थतन्त्रको नेतृत्व गरेका छन्।