इरानमा बस पल्टिँदा १४ जनाको मृत्यु, ४६ जना घाइते
तेहरान । इरानको दक्षिणपूर्वी प्रान्त केरमानमा एक अन्तरशहर सडकमा बस पल्टिँदा कम्तीमा १४ जनाको मृत्यु भएको छ भने ४६ जना घाइते भएको सरकारी समाचार एजेन्सी इर्नाले जनाएको छ ।
प्रान्तीय राजधानी केरमानबाट राभर काउन्टी जाने बाटोमा स्थानीय समय अनुसार साँझ ५ः१७ बजे यो घटना भएको इरान प्रान्तको आपतकालीन चिकित्सा सेवा केन्द्रका प्रमुख मोहम्मद साबेरीले जानकारी दिए ।
घाइते सबैलाई अस्पताल लगिएकोमा पाँच जनाको अवस्था गम्भीर रहेको बताउँदै घटनाको कारणबारे केही समयमै जानकारी हुने बताए ।
