आर्थिक सुधारको गतिलाई निरन्तरता दिन श्रीलङ्कालाई आईएमएफको आग्रह

कोलम्बो । आईएमएफका प्रवक्ता जुली कोजाकले वासिङ्टनमा कोषको साप्ताहिक ब्रिफिङमा श्रीलङ्काको आर्थिक सुधारले सकारात्मक नतिजा ल्याउन थाले पनि देशको अर्थतन्त्र अझै कमजोर रहेको बताएकी छन् । यसमा दिगो बृहत् आर्थिक स्थायित्व र ऋण राहत आवश्यक छ ।

कोजाकले भनिन्,“आईएमएफ कार्यकारी बोर्डले फेब्रुअरी २८ मा विस्तारित कोष सुविधा (इएफएफ) व्यवस्था अन्तर्गत श्रीलङ्काको तेस्रो समीक्षा पूरा गर्यो । यो स्वीकृतिले देशको चलिरहेको आर्थिक नीति र सुधार एजेन्डालाई समर्थन गर्न ३३ करोड ४० लाख तुरुन्तै वितरण गर्न सक्षम बनाउँछ ।”

“यो वितरणसँगै, श्रीलङ्कालाई कुल आईएमएफ वित्तीय सहयोग अब १.३४ अर्ब डलर पुगेको छ,” उनले भनिन् ।
कोजाकले कम मुद्रास्फीति र वित्तीय राजस्व सङ्कलनमा सुधार सहित श्रीलङ्काका लागि धेरै प्रोत्साहनजनक आर्थिक सूचकहरू पनि प्रकाश गरिन् । उनले दुई वर्षको सङ्कुचनपछि सन् २०२४ मा अर्थतन्त्र पाँच प्रतिशतले वृद्धि हुने बताइन् ।

“हामी यो पुनर्लाभ सन् २०२५ सम्म जारी रहने अपेक्षा गर्छौं । यी सबै श्रीलङ्का र यसका जनताका लागि धेरै सकारात्मक विकासहरू हुन् ।”