मोजाम्बिकमा सवारी दुर्घटनामा २२ जनाको मृत्यु
मापुटो । अफ्रिकी देश मोजाम्बिकको मध्य प्रान्त मनिकाको गोन्डोला जिल्लाको काइफुम्पे क्षेत्रमा मंगलबार भएको सवारी दुर्घटनामा परी २२ जनाको मृत्यु भएको स्थानीय सञ्चारमाध्यमले जनाएका छन् ।
यात्रुवाहक कार र लामो दुरीको ट्रक दुर्घटना भएको हो । दुवै गाडी विपरीत दिशामा गुडेका थिए । दुर्घटनामा उन्नाइस जनाको घटनास्थलमा मृत्यु भयो ।
साथै, एक जना पीडितको केही घण्टापछि चिमोयो प्रान्तीय अस्पताल (एचपीसी) मा मृत्यु भएको हो । हाल मृत्युको सङ्ख्या २० पुगेको छ ।
एचपीसीका क्लिनिकल निर्देशक जुभेनल चिटोभेलेले मोजाम्बिकको राज्य समाचार एजेन्सी एआईएमलाई बताएअनुसार गम्भीर अवस्थामा रहेका अन्य दुई पीडितको सघन उपचार कक्षमा राति मृत्यु भएको छ ।
मनिका प्रहरीका अनुसार दुर्घटनाको मुख्य कारण अत्यधिक गति र आधारभूत ट्राफिक नियमहरूको बेवास्ता थियो ।
