सिरियामा लगाइएको प्रतिबन्ध हटाउन इयुलाई टर्कीको आग्रह



इस्तानबुल । ब्रसेल्समा आयोजना हुने अन्तर्राष्ट्रिय सहायता सम्मेलन अघि टर्कीले आइतबार युरोपेली सङ्घ (इयु) लाई सिरियामाथिको प्रतिबन्ध बिना कुनै शर्त हटाउन आह्वान गरेको छ । सम्मेलनमा युद्धग्रस्त देश सिरियाका नयाँ अधिकारीहरूलाई निमन्त्रणा गरिएको छ ।

टर्कीको विदेश मन्त्रालयले विज्ञप्तिमा राष्ट्रपति बशर अल–असदलाई अपदस्थ गरी डिसेम्बरमा सत्ता सम्हालेका सिरियाका नयाँ शासकहरूसँग गठबन्धन गरेर अङ्काराले देशमा ‘शान्तिपूर्ण सङ्क्रमण’ का लागि यस्तो कदम आवश्यक ठानेको बताएको छ ।

इयुले सोमबार सिरियाको समर्थनमा नवौँ अन्तर्राष्ट्रिय सम्मेलनको आयोजना गर्नेछ । पहिलो पटक सिरियाको सरकारका प्रतिनिधिहरू–नयाँ अन्तरिम अधिकारीहरूलाई–उपस्थित हुन आमन्त्रित गरिएको छ ।
यस कार्यक्रमको उद्देश्य १३ वर्षभन्दा बढी गृहयुद्धपछि सिरियाको सङ्क्रमण र पुनरुत्थानका लागि अन्तर्राष्ट्रिय समर्थन जुटाउनु हो ।

सिरियाका अन्तरिम राष्ट्रपति अहमद अल–सारालाई केही चुनौतीबाट राहत दिन इयुले फेब्रुअरी २४ मा नै सिरियाको ऊर्जा, यातायात र बैंकिङ क्षेत्रमा प्रतिबन्धहरू खुकुलो पारेको थियो ।

तर युरोप र अन्य शक्तिहरू डिसेम्बर ८ मा असदलाई अपदस्थ गर्ने अप्रत्याशित आक्रमणको नेतृत्व गर्ने साराको इस्लामवादी समूह हयात ताहरिर अल–शाम (एचटिएस) ले सिरियालाई कुन दिशामा लिन सक्छ भन्ने कुरामा सावधान छन् ।

साराका अधिकारीहरूले देशलाई स्थिर बनाउन र समावेशी भविष्यको सुरुआत गर्न सक्ने आशा भए पनि असद सम्बन्धित अलावी अल्पसङ्ख्यकलाई लक्षित गरेको हालैको घातक हिंसाले शङ्का कायम राखेको छ ।

इयुका विदेशमन्त्रीहरूले सिरियाका नयाँ नेताहरूले अल्पसङ्ख्यकहरूको अधिकारको सम्मान गर्ने र लोकतन्त्रतर्फ अघि बढ्ने वाचा भङ्ग गरेमा उनीहरूले कम गरेका प्रतिबन्धहरू पुनः लागु गर्नसक्ने चेतावनी दिएका छन् ।

“सिरियाको आर्थिक सुरक्षा देशको स्थिरता र सुरक्षाका लागि आवश्यक छ”, टर्कीको मन्त्रालयले भन्यो, “आर्थिक अवसर र रोजगारी सिर्जना गर्न आवश्यक छ, प्रतिबन्धहरू बिना शर्त र अनिश्चित अवधिका लागि हटाउनुपर्छ ।”

करिब ३० लाख सिरियाली शरणार्थीलाई आश्रय दिने टर्कीले पनि ‘फिर्तीलाई प्रोत्साहित गर्न’ सिरियाको पुनर्निर्माण गर्न आग्रह गरेको छ । टर्कीका उपविदेशमन्त्री नुह यिलमाजले ब्रसेल्स सम्मेलनमा भाग लिनेछन् ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
पाकिस्तानमा आत्मघाती हमलामा बसमा सवार पाँच सुरक्षाकर्मीको मृत्यु

इस्लामावाद । एक आत्मघाती कार बम हमलाकारीले अशान्त दक्षिण–पश्चिम पाकिस्तानमा सुरक्षा बलहरू बोकेको

ट्रम्पसँग सम्झौता गर्दा युरोपमा गठबन्धन खोज्दै क्यानाडाका प्रधानमन्त्री कार्नी

  ओटावा । अमेरिकी राष्ट्रपति डोनाल्ड ट्रम्पले क्यानाडाको सार्वभौमिकता र अर्थतन्त्रमाथि गरेको आक्रमणको

बङ्गलादेशको अदालतद्वारा सन् २०१९ को हत्या मामिलामा २०  जना विद्यार्थीको मृत्युदण्ड सदर

  ढाका । बङ्गलादेशको एक अदालतले आइतबार सन् २०१९ मा सामाजिक सञ्जालमा देशको

उत्तरी म्यासेडोनियाको एक रात्रि क्लबमा आगलागी हुँदा ५१ जनाको मृत्यु

म्यासेडोनिया । उत्तरी म्यासेडोनियाको एक रात्रि क्लबमा आइतबार बिहान आगलागी हुँदा ५१ जनाको