श्रीलङ्कालाई थप सहयोग गर्ने प्रतिबद्धता व्यक्त गर्दै आइएमएफ प्रमुख

कोलम्बो । अन्तर्राष्ट्रिय मुद्रा कोषकी प्रमुख क्रिस्टालिना जर्जिएभाले श्रीलङ्काका राष्ट्रपतिसँग अनलाइन वार्ताका क्रममा आर्थिक पुनरुत्थानमा सहयोग गर्ने प्रतिबद्धता व्यक्त गरेकी छन् ।

अन्तर्राष्ट्रिय मुद्रा कोषका प्रबन्ध निर्देशक जर्जिएभाले राष्ट्रपति अनुरा कुमारा दिसानायकेसँगको भर्चुअल भेटमा दक्षिण एसियाली राष्ट्रलाई अनिर्दिष्ट सहयोग गर्ने वचन दिएको उनको कार्यालयले जनाएको छ ।

“श्रीलङ्काको अर्थतन्त्र स्थिर भएको छ र अहिले राम्रो प्रदर्शन भइरहेको छ,” जर्जिएभाले दिसानायकेसँग भने ।

“विशेष गरी गरीब मानिसहरूको लागि यो धेरै महत्त्वपूर्ण छ । यो श्रीलङ्काको अर्थतन्त्र समस्यामा परेका दिनहरूबाट हामी उल्लेखनीय परिवर्तन देख्छौँ,” उनले भनिन् ।

श्रीलङ्काले सन् २०२२ को अप्रिलमा पहिलो पटक विदेशी मुद्राको अभाव र आर्थिक मन्दीपछि पहिलो पटक सन् २०२३ मा अन्तर्राष्ट्रिय मुद्रा कोष (आईएमएफ) को २.९ अर्ब अमेरिकी डलर बराबरको बेलआउट प्राप्त गरेको थियो ।

वामपन्थी नेता दिसानायके आईएमएफको ऋणमा पुनः वार्ता गर्ने वाचा गर्दै सेप्टेम्बरमा राष्ट्रपति निर्वाचित भएका थिए तर सत्तामा आएपछि भने उनले आफ्ना पूर्ववर्तीको पीडादायी र अलोकप्रिय मितव्ययिताका उपायहरू जारी राखेका छन् ।

जर्जिएभाले भनिन्, “विश्वव्यापी अनिश्चितताको यस समयमा हामी एक प्रकारको सरल विश्वव्यापी आर्थिक मन्दीको स्थितिमा छौँ । श्रीलङ्काको अर्थतन्त्रलाई मजबुत बनाउन घरेलु रूपमा कदम चाल्नु अझ महत्त्वपूर्ण छ ।”

उनले आइएमएफ ‘सफल यात्रामा पूर्ण रुपमा साथ दिन निकै खुसी र आतुर रहने’ बताइन् ।

आईएमएफले श्रीलङ्काको वास्तविक कुल गार्हस्थ्य उत्पादन (जिडिपी) ले सन् २०१८ देखि २०२३ को बीचमा भएको नोक्सानीको ४० प्रतिशत सुधार भएको र आर्थिक पुनरुत्थान उल्लेखनीय रहेको जनाएको छ ।