नयाँदिल्ली आसपासका क्षेत्रमा भूकम्प, सतर्क रहन मोदीको अपील
बीबीसी । भारतको नयाँदिल्लीमा भूकम्प गएको छ । राष्ट्रिय भूकम्प मापन केन्द्रका अनुसार सोमबार बिहान ५ जबेर ३६ मिनेटमा दिल्ली र आसपासका क्षेत्रमा ४ म्याग्निच्युडको भूकम्प गएको हो ।
भूकम्पपछि प्रधानमन्त्री नरेन्द्र मोदीले सबैलाई सतर्क रहन अपील गरेका छन् । उनले ट्वीटरमा लेखेका छन्, ‘दिल्ली र आसपासका क्षेत्रमा भूकम्पको धक्का महसुस गरिएको छ । म सबैलाई सुरक्षा सावधानीहरू पालना गर्न अपील गर्दछु। सतर्क रहनुहोस्।’
दिल्ली प्रहरीले पनि सबैलाई सुरक्षित रहन र आपतकालीन मद्दतको लागि ११२ मा फोन गर्न आग्रह गरेको छ । भूकम्पको केन्द्रविन्दु दिल्लीको जमिनबाट ५ किलोमिटर गहिराइमा रहेको राष्ट्रिय भूकम्प विज्ञान केन्द्रले जनाएको छ ।
