निप्पोन स्टीलद्वारा यूएस स्टीलमा लगानी गर्ने ‘साहसिक प्रस्ताव’
टोकियो । अमेरिकी राष्ट्रपति डोनाल्ड ट्रम्पले निप्पोन स्टिलले अमेरिकी स्टिलमा अल्पसङ्ख्यक सेयर लिन दिने सङ्केत गरेपछि जापान सरकारका उच्च प्रवक्ताले अमेरिकी स्टिलमा लगानी गर्ने प्रयासमा ‘साहसिक प्रस्ताव’ प्रस्तुत गर्ने बताएका छन्।
अमेरिकाका पूर्व राष्ट्रपति जो बाइडेनले राष्ट्रिय सुरक्षाको कारण देखाउँदै गत महिना पद छोड्नुभन्दा केही समयअघि १४ अर्ब ९० करोड अमेरिकी डलरको सम्झौता रोकेका थिए ।
शुक्रबार ह्वाइट हाउसमा इशिबालाई भेटेका ट्रम्पले ती कम्पनीहरूले ‘खरिदभन्दा पनि लगानीतर्फ सोच्न’ आग्रह गरेका थिए ।
सन् २०२४ को राष्ट्रपतीय निर्बाचन अभियानका क्रममा अधिग्रहण प्रस्तावको चर्को आलोचना गरेका राष्ट्रपति ट्रम्पले आइतबार कम्पनीमा ‘लगानी’ गर्न अनुमति दिने बताएका हुन् ।
“युएस स्टिलमा कसैको पनि बहुमत हुन सक्दैन। उनीहरूले अन्य कम्पनीहरू किन्न सक्छन् तर यूएस स्टील होइन,” ट्रम्पले पत्रकार सम्मेलनमा भने ।
उनले भने, “लगानी गर्ने र कम्पनी नै किन्ने कुरा फरक हो । उनीहरूलाई यसमा लगानी गर्न अनुमति दिइएको छ ।”
उनले आफ्नो टोलीले निप्पोन स्टीलका अधिकारीहरूसँग ‘मध्यस्थता गर्न’ सहयोग गर्ने बताए ।
सोमबार जापानको मन्त्री परिषद्का मुख्यमन्त्री योशिमासा ह्याशीले नियमित पत्रकार सम्मेलनमा भने, “हामीले बुझेका छौं कि निप्पोन स्टिलले युयस स्टिललाई अधिग्रहणको लागि मात्र हेरिरहेको छैन।”
हयाशीले भने, “जापानले यो एक ‘साहसिक प्रस्ताव’बारे विचार गर्दैछ किनकि यो हामीले विगतमा सम्झौताका लागि तयार भएको भन्दा बिल्कुलै फरक छ । यसले संयुक्त राज्य अमेरिका र बाँकी विश्वले चाहेका उत्कृष्ट उत्पादनहरू उत्पादन गर्नेछ र अमेरिका र जापान दुवैको हित र जीतकोे स्थिति सिर्जना गर्नेछ।”
मुख्यमन्त्री हयाशीले प्रस्तावबारे विस्तृत विवरण भने दिएका छैनन् । निप्पोन स्टिलले ट्रम्पको भनाइबारे तत्काल प्रतिक्रिया जनाउन अस्वीकार गरेको छ ।
