सेफअली खानमाथि छुरा प्रहार गरेको आरोपमा मुम्बई प्रहरीद्वारा एकजना पक्राउ
काठमाडौं । बलिउड अभिनेता सेफअली खानमाथि छुरा प्रहार गरेको आरोपमा मुम्बई प्रहरीले एकजनालाई पक्राउ गरेको छ ।
प्रहरीले उनलाई हिरामन्डी श्रम शिविरबाट पक्राउ गरेको हो । उनी बंगलादेशका नागरिक भएको प्रहरीले जनाएको छ । अञ्चल–९ का डिसीपी दीक्षित गेडामले पत्रकार सम्मेलनमा भने, ‘आरोपी बंगलादेशी भएको आशंका गरिएको छ र उनीसँग भारतीय कागजात छैन ।’
चोरीको नियतले घरभित्र पसेका आरोपी ३० वर्षीय मोहम्मद शरीफुल इस्लाम शाहजाद रहेको उनले बताए । उनलाई आज अदालतमा पेश गरी प्रहरी हिरासत मागेर थप अनुसन्धान गरिने डीसीपीले बताए ।
बिहीबार बिहानै बान्द्रासिथत घरमा सैफअलीमाथि छुरा प्रहार भएको थियो । यसपछि उनलाई लीलावती अस्पतालमा भर्ना गरिएको छ ।
