हिम आँधीका कारण अमेरिकाका ३० राज्यका ६ करोड मानिस प्रभावित
बीबीसी । अमेरिकामा आएको भीषण हिम आँधीका कारण करिब ६ करोड मानिस प्रभावित भएका छन् । आँधीका कारण केन्टकी, भर्जिनिया, वेस्ट भर्जिनिया, कान्सास, अर्कान्सास, न्यू जर्सी र मिसौरीलगायत धेरै राज्यहरूले आपतकाल घोषणा गरेका छन् ।
हिमआँधीका कारण ३० राज्य प्रभावित भएका बीबीसीले उल्लेख गरेको छ । हिम आँधीका राजमार्गहरु बन्द भएका छन् । त्यस्तै हवाई उडान पनि बन्द भएका छन् । हिमपातबाट अमेरिकाका दुई राज्य कन्सास र मिसौरी सबैभन्दा बढी प्रभावित छन्। त्यहाँका केही क्षेत्रमा १० इन्चसम्म हिउँ जमेको छ।
तस्बिरः एएफपी
