अफगानिस्तानमा सिलिन्डर विस्फोट हुँदा चार जनाको मृत्यु
अफगानिस्तान । पूर्वी अफगानिस्तानको खोस्त प्रान्तमा शनिबार राति ग्यास सिलिन्डर विस्फोटमा परी कम्तीमा चार जनाको मृत्यु भएको छ ।
खोस्ट प्रान्तीय सरकारका प्रवक्ता मुस्तगफिर गुरबाजले भने,“यो घटना प्रान्तको राजधानी खोस्ट शहरको बाहिरी भागमा रहेको एक आवासीय अपार्टमेन्टमा भएको थियो, जसमा एक महिला र तीन बालबालिका सहित चार जनाको मृत्यु भएको थियो ।”
गुरबाजका अनुसार घटना हुँदा परिवारका सदस्यले घर तातो पार्न खोजिरहेका थिए ।
अफगानिस्तानमा, मानिसहरूले जाडोमा आफ्नो आवासीय घरहरू तताउन ग्यास सिलिन्डर प्रयोग गर्ने सामान्य छ, जसले कहिलेकाहीं घातक दुर्घटनाहरू हुँदै आएको छ ।
