ट्रम्पलाई ह्वाइटहाउसमा बाइडेनको स्वागत
बीबीसी । अमेरिकी राष्ट्रपति जो बाइडेन र नवनिर्वाचित राष्ट्रपति डोनाल्ड ट्रम्पबीच ह्वाइट हाउसमा भेटवार्ता भएको छ ।
दोस्रोपटक राष्ट्रपतिमा निर्वाचित भएपछि ह्वाइट हाउस पुगेका ट्रम्पलाई बाइडेनले सौहार्द रूपमा सत्ता हस्तान्तरण गर्ने बताएका छन् । भेटमा बाइडेनले ट्रम्पलाई राष्ट्रपतिमा निर्वाचित भएकोमा बधाई दिएका थिए ।
बाइडेनले भने, ‘हामी सहज रूपमा सत्ता हस्तान्तरणको आशा गर्दछौँ । तपाईंलाई त्यसमा कुनै कठिनाई नपुगोस् भन्ने हाम्रो चाहना छ ।’
जवाफमा ट्रम्पले सहज रूपमा सत्ता हस्तान्तरण हुनु राम्रो भएको बताएका थिए ।
