इटालीमा दुईवटा  पानी जहाज डुब्दा १० आप्रवासीको मृत्यु, दर्जनौँ बेपत्ता



 

इटालीमा दुईवटा जहाज डुब्दा १० आप्रवासीको मृत्यु भएको र दर्जनौँ बेपत्ता भएको आशङ्का गरिएको आप्रवासी उद्धार संस्था तथा तटरक्षक बलले बताएका छन् ।

लैम्पेडुसाको किनारमा काठको डुङ्गामा आप्रवासीहरूलाई सहयोग गर्न आएका उद्धारकर्ताहरूले डेकको तल १० शव फेला पारेको जर्मन सहायता समूह रेसक्यूशिपले सामाजिक सञ्जाल एक्समा बताएको छ ।

‘रेसक्यूशिपको जहाज, नाडिरमा सवार चालक दलले हाल जहाजमा ५१ जनाको हेरचाह गरिरहेको,’ जर्मन परोपकारी संस्थाले भनेको छ, ‘पानीले भरिएको काठको डुङ्गामा जम्मा ६१ जना सवार थिए । हाम्रो टोलीले ५१ जनालाई बाहिर निकाल्न सफल भयो, तीमध्ये दुईजना बेहोस थिए । मृतक १० जना डुङ्गाको तल्लो डेकमा रहेका छन ।’

यसैबीच इटालीको तटरक्षकले छुट्टै जहाज दुर्घटनापछि क्यालाब्रियामा मानिसहरूको खोजी गरिरहेको बताएको छ । बाँचेका अनुसार ६० जना आप्रवासी बेपत्ता भएको मिडिया रिपोर्टले जनाएको छ ।

गत रातिदेखि सम्भावितरूपमा टर्कीएबाट प्रस्थान गरेका आप्रवासीहरूसहितको डुङ्गाको जहाज दुर्घटनापछि सम्भावित बेपत्ता व्यक्तिहरूको खोजी गरिरहेको तटरक्षकले बताएको छ ।

इटालीको तटबाट टाढा जाँदै गरएको फ्रान्सेली डुङ्गाबाट ‘मेडे’पछि उद्धार प्रयासहरू सुरु भएको छ तटरक्षकले बताएको छ ।

फ्रान्सेली जहाजले १२ जना जीवित आप्रवासीहरूलाई जहाजमा लिनुअघि अधिकारीहरूलाई ‘आधा डुबेको डुङ्गाको उपस्थिति’ बारे सचेत गराएको थियो ।

त्यसपछि उनीहरूलाई इटालियन तटरक्षक डुङ्गामा स्थानान्तरण गरियो । उक्त डुङ्गले उनीहरूलाई दक्षिणी इटालीको रोसेला आयोनिका सहरमा लग्यो । तटरक्षकका अनुसार बाँचेका १२ मध्ये एकको तल ओर्लिएपछि मृत्यु भएको छ ।

एएनएसए समाचार एजेन्सीका अनुसार जहाज डुबेपछि करिब ५० आप्रवासी बेपत्ता भएका थिए । यद्यपि रेडियो रेडिकेलले यो सङ्ख्या ६४ रहेको बताएको छ । उसले समुद्रमा हराएकाहरू अफगानिस्तान र इरानबाट आएको बताएको छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
बङ्गलादेशमा हिंसात्मक आन्दोलनका कारण प्रधानमन्त्री हसिनाको विदेश भ्रमण रद्द

बङ्गलादेशमा प्रदर्शनकारी विद्यार्थी र प्रहरीबीचको झडपपछि प्रधानमन्त्री शेख हसिनाले विदेश भ्रमण रद्द गरेकी

विश्वव्यापी प्राविधिक समस्याबाट प्रभावित एयरलाइन्स सेवा पुनः सुरु

माइक्रोसफ्ट प्रोग्रामको एन्टिभाइरस अद्यावधिकको समयमा भएको विश्वव्यापि प्राविधिक अवरोधका कारण प्रभावित बैंङ्क, वित्तीय

राष्ट्रसङ्घीय अदालतद्वारा इजरायललाई प्यालेस्टिनी क्षेत्रमा गैरकानुनी उपस्थिति अन्त्य गर्न आह्वान

अन्तर्राष्ट्रिय अदालत (आइसीजे) ले इजरायललाई कब्जा गरिएको प्यालेस्टिनी क्षेत्रमा “गैरकानुनी“ उपस्थिति छिटै अन्त्य

गाजाको वातावरणीय नमूनाहरुमा पोलियो भाइरस फेला

गाजाको वातावरणीय नमूनामा पोलियो भाइरस पत्ता लाग्नु गहिरो चिन्ताको विषय रहेको संयुक्त राष्ट्रसङ्घले