अन्तर्राष्ट्रिय समुदायद्वारा रफाह घटनामा इजरायलको निन्दा, आक्रमण रोक्न आग्रह



बीबीसी । आइतबार रफाहमा कैयौँ प्यालेस्टिनीहरूको मृत्यु हुने गरी इजरायलले गरेको हवाई हमलाको अन्तर्राष्ट्रिय समुदायले निन्दा गरेपनि इजरायलका प्रधानमन्त्री बेन्जमिन नेतन्याहूले हमासविरुद्ध लडाइँ जारी राख्ने बताएका छन् ।

गाजामा हमासद्वारा सञ्चालित स्वास्थ्य मन्त्रालयका अनुसार उक्त घटनामा कम्तीमा ४५ जनाको ज्यान गएको थियो भने सयौँ मानिस गम्भीर घाइते भएका छन्। शरीर जलेर, हड्डी भाँचिएर र छर्राका कारण चोटपटक लागेका मानिसहरूको उपचार भइरहेको हमासले जनाएको छ ।

इजरायली संसद्मा बोल्दै नेतन्याहूले त्यसलाई ‘दुःखद दुर्घटना’ भएको बताए । यद्यपि सबै उद्देश्य हासिल नहुँदासम्म आफूले युद्ध अन्त्य गर्ने विषयमा नसोचेको उनले बताए ।

रफाहमा भएको आक्रमणबारे छलफल गर्न मङ्गलबार संयुक्त राष्ट्रसङ्घको आकस्मिक बैठक बस्न लागेको छ । एल्जिरिआको आग्रहमा उक्त बैठक बस्न लागेको हो ।

राष्ट्रसङ्घका महासचिवले विज्ञप्ति जारी गरी उक्त आक्रमणका कारण ‘यो द्वन्द्वबाट जोगिन आश्रय लिन खोजेका कैयौँ निर्दोष नागरिकहरूको मृत्यु भएको’ टिप्पणी गरेका थिए ।

इजरायली प्रधानमन्त्रीले सर्वसाधारण मानिसको सुरक्षाका लागि यथासम्भव सावधानी अपनाएको र इजयाल डिफेन्स फोर्सेस आईडीएफले द्वन्द्वमा संलग्न नभएका मानिसलाई हानि नपुर्याउने प्रयास गरिरहेको जनाए।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
दक्षिणी चीनमा प्राचीन दुई जहाजको भग्नावशेषबाट नौ सय टुक्रा सांस्कृतिक अवशेष फेला

  चीनको राष्ट्रिय सम्पदा प्राधिकरणले दक्षिण चीन सागरको उत्तरपश्चिममा महाद्वीपीय ढलान नजिकै मिङ

गङ्गा नदीमा डुङ्गा पल्टिँदा ६ जना बेपत्ता

पटना नजिकै रहेको बिहारको बारह क्षेत्रमा आइतबार गङ्गा नदीमा १७ श्रद्धालु बोकेको डुङ्गा

दोहामा राष्ट्रसङ्घीय वार्तामा तालिबान सरकार सहभागी हुने

अघिल्लो चरणको निमन्त्रणालाई अस्वीकार गरेका तालिबान अधिकारीहरू कतारको राजधानी दोहामा अफगानिस्तानबारे संयुक्त राष्ट्रसङ्घले

रुसका दुई जेल कर्मचारी आइएस कैदीको कब्जामा

दक्षिणी रसियाको रोस्तोभको जेलमा इस्लामिक स्टेट (आइएस)का कैदीहरूले दुई जना जेलका कर्मचारीलाई बन्धक