भीषण बाढीपछि ब्राजिलको कानोअस सहरमा एउटा घरको छानामा घोडा उद्दारको पर्खाइमा
बीबीसी । ब्राजिलको रिओ ग्रान्डी डु सुल प्रान्तमा आएको बाढी र पहिरोका कारण धनजनको ठूलो क्षति भएको छ । प्रभावित स्थानका हजारौँ मानिस विस्थापित भएका छन् भने त्यहाँ उद्धारकार्य जारी छ ।
बाढीबाट जोगिन कानोअस सहरमा एउटा घरको छानामा अलपत्र परेर उभिरहेको घोडाको तस्बिरबारे अहिले निकै चर्चा भइरहेको छ । कानोअसका नगरप्रमुखले उक्त घोडालाई उद्धार गर्न हेलिकप्टर पठाइएको बताएका छन् ।
ब्राजिल सरकारले बाढीबाट प्रभावित राज्यलाई उद्धारकार्य र पुनर्निर्माणका लागि १० अर्ब डलर उपलब्ध गराउने बताएको छ । कम्तीमा १०७ जनाको मृत्यु भएको पुष्टि भइसकेको छ भने १३० जना सम्पर्कविहीन छन् । दुई सातादेखि उक्त राज्यको राजधानी पोर्टो अलेग्रे डुबानमा परेको छ।
