चिनियाँ लगानी प्रोत्साहित गर्ने राष्ट्रपति विक्रमासिङ्घेको भनाइ
श्रीलङ्काका राष्ट्रपति रनिल विक्रमासिङ्घे र श्रीलङ्का भ्रमणमा रहेका चिनियाँ राज्य परिषद् सल्लाहाकार शेन यिकिनबीच चिनियाँ उद्यमहरूलाई देशमा लगानी गर्न प्रोत्साहित गर्ने सहमति भएको छ ।
राष्ट्रपति विक्रमासिङ्घेले श्रीलङ्कालाई दीर्घकालीन बहुमूल्य सहयोगका लागि चीनलाई धन्यवाद दिँदै श्रीलङ्काले संयुक्त बेल्ट एण्ड रोड निर्माणलाई दृढतापूर्वक समर्थन गर्ने बताएका छन् ।
श्रीलङ्का एक चीन नीति कडाइका साथ पालना गर्दछ र श्रीलङ्काको सामाजिक–आर्थिक विकासलाई बढावा दिन चीनसँग मैत्रीपूर्ण आदानप्रदान र सहयोगलाई प्रगाढ बनाउन चाहन्छ । चीनले श्रीलङ्कासँगको सम्बन्धलाई निकै महत्व दिएको र दुई देशका नेताबीच भएको सहमतिलाई गम्भीरतापूर्वक कार्यान्वयन गर्न श्रीलङ्काली पक्षसँग मिलेर काम गर्न इच्छुक रहेको शेनले बताए ।
उच्च गुणस्तरको बेल्ट एण्ड रोड निर्माणलाई संयुक्त रूपमा प्रवद्र्धन गर्नुपर्ने र चीन–श्रीलङ्का रणनीतिक सहयोगात्मक साझेदारीलाई पारस्परिक सहयोग गर्नुपर्ने उनले बताए ।
