सोमालियामा भारी वर्षापछि आएको बाढीका कारण कम्तीमा ५० जनाको मृत्यु, पचास लाख विस्थापित
सोमालियामा अक्टोबरको शुरुदेखि शुरु भएको भारी वर्षाका कारण आएको बाढीमा परी ५० जनाको मृत्यु भएको छ । वर्षाजन्य विपत्तिका कारण ५० लाखभन्दा बढी विस्थापित भएका राष्ट्रिय प्रकोप एजेन्सीले जनाएको छ ।
सोमालिया विपद् व्यवस्थापन एजेन्सीले सोमालियाका अन्य भागहरूमा पहिरो र बाढीका कारण बालीनाली र पशुधन नष्ट भएको बताएको छ । सोमालियाको राजधानी मोगादिसुमा पत्रकारहरूलाई सोमालियाका आयुक्त मोहम्मद मोआलिमले देशमा आएको बाढीका कारण ५० जनाको मृत्यु भएको र पचास लाखभन्दा बढी नागरिक विस्थापित भएका जानकारी दिए ।
विस्थापनका कारण बढ्दो मानवीय आवश्यकता र सम्पत्तिको थप विनाश हुन सक्ने संयुक्त राष्ट्रको चेतावनी पछि एजेन्सीले बाढी पीडितहरूलाई मद्दत गर्न दक्षिणी सोमालियाको बर्धेरे जिल्लामा राहत कार्गो विमान पठाएको छ ।
मानवीय मामिला समन्वयका लागि संयुक्त राष्ट्रसंघको कार्यालयले भारी वर्षा र बाढीका कारण १२ लाख ४० हजार मानिस प्रभावित भइसकेका र अझै बढी हुने अनुमान गरेको छ ।
