टर्कीद्वारा उत्तरी इराकमा गरेको कारबाहीका १३ विद्रोही लडाकुको मृत्यु
टर्कीको सुरक्षा बलले उत्तरी इराकमा गरेको सीमापार कारबाहीमा प्रतिबन्धित कुर्दिस्तान वर्कर्स पार्टी (पीकेके)का १३ जना लडाकुलाई मारेको जनाएको छ । पीकेके सदस्यलाई अपरेशन क्लाउ–लक जोन र हकुर्क क्षेत्रमा मारिएको रक्षा मन्त्रालयले जनाएको छ ।
टर्कीको सेनाले बारम्बार उत्तरी इराकमा विशेष गरी समूहको मुख्य आधार कँडिल पर्वतमा पीकेकेविरुद्ध स्थलगत कारबाही, हवाई आक्रमण र तोपखाना बमबारीहरू गर्ने गरेको छ । टर्कीले अप्रिल २०२२ मा सीमा नजिकैको उत्तरी इराकी क्षेत्रमा पीकेके सदस्यहरू विरुद्ध लड्न अपरेशन क्लाउ–लक शुरु गरेको थियो ।
टर्की, संयुक्त राज्य अमेरिका र युरोपेली संघद्वारा आतङ्कवादी सङ्गठनको रूपमा सूचीबद्ध गरिएको पीकेकेले तीन दशकभन्दा बढी समयदेखि टर्की सरकारविरुद्ध विद्रोह गर्दै आएको छ ।
