नर्वे र स्वीडेनले सीमापार अपराध रोक्न संयुक्त प्रहरी चौकी स्थापना गर्ने
नर्वे र स्वीडेनले सीमापार अपराध नियन्त्तणका लागि सीमामा संयुक्त प्रहरी चौकी स्थापना गर्ने भएका छन् । नर्वे सरकारले विज्ञप्ति जारी गर्दै यसबारे जनाकारी गराएको हो ।
स्वीडेनसँग नर्वेको दोस्रो सबैभन्दा ठूलो सीमा क्रसिंग म्याग्नोर्मोनमा अवस्थित यो परियोजना सन् २०२२ मा नर्वे सरकारले स्थापना गरेको अस्थायी सुरक्षा जाँच अन्तर्गत पर्दछ ।
“हामीले सीमामा नियन्त्रण गर्नुपर्दछ र आपराधिक गतिविधिलाई निश्तेज पार्नु पर्छ,“ नर्वेका न्याय र सार्वजनिक सुरक्षा मन्त्री एमिली एन्गर मेहलले विज्ञप्तिमा भनेका छन् । यो संयुक्त सुरक्षा चौकीको स्थापना सँगै सीमा क्षेत्रमा हुने अवैध गतिविधि न्यूनीकरण हुने अपेक्षा गरिएको छ ।
संयुक्त प्रहरी स्टेशनलाई नर्वेजियन र स्वीडिश क्षेत्रहरूमा समान रूपमा विभाजित गरिनेछ ।
