जी–७ का देश रूसमाथि थप प्रतिबन्ध लगाउन सहमत
सात राष्ट्रहरूको समूह (जी–७) का विदेश मन्त्रीहरूले युक्रेनलाई समर्थन जारी राख्न र रुसमाथि थप प्रतिबन्धहरू लगाउन सहमत भएका छन् ।
रुस–युक्रेन युद्ध शुरु भएको एक वर्ष पुग्न लागेको सन्दर्भमा विकसित देशहरूको समूहले यस्तो निर्णय गरेका एनएचके वल्र्ड न्युजले उल्लेख गरेको छ । जापानले जर्मनीको म्युनिखमा जी–७ को बैठक आयोजना गरेको थियो ।
जुन बैठकमा अन्तराष्ट्रिय सुरक्षा सम्मेलनका बीच यस किसिमको छलफल भएको छ । बैठकमा युक्रेनी विदेशमन्त्री दिमित्रो कुलेबालाई पनि निमन्त्रणा गरिएको थियो । विदेशमन्त्रीहरूले रुसलाई समर्थन गर्ने देशहरूलाई त्यसो नगर्न समेत आग्रह गरेका छन्।
प्रतिवेदनका अनुसार उनीहरूले युक्रेनमा नागरिक र प्रमुख पूर्वाधार सुविधाहरूमा निरन्तर आक्रमण गरेकामा रूसको निन्दा पनि गरेका छन्। उनीहरूले मस्कोलाई अन्तराष्ट्रिय कानून बमोजिम जवाफदेही बनाउने पनि बताएका छन् ।
