मस्जिदमा भएको बम विष्फोटमा आतङ्कवादी सञ्जालको सम्लग्नता रहेको प्रहरीको दाबी
पाकिस्तानको उत्तरपश्चिमी पेशावर शहर खैबर पख्तुनख्वाको एक मस्जिदमा सोमबार भएको आत्मघाती बम विष्फोटमा संलग्न आतङ्ककारीको सञ्जाल पाकिस्तानी प्रहरीले फेला पारेको जनाएको छ ।
पख्तुनख्वाका प्रहरी प्रमुख मोअज्जाम जाह अन्सारीले पत्रकार सम्मेलनमा प्रहरी आक्रमणको पछाडि रहेको आतङ्कवादी सञ्जाल पत्ता लगाउन नजिक पुगेको जानकारी दिए । उनले घटनामा प्रत्यक्षपमा संलग्न र योजनाकारहरूलाई चिनेको बताए ।
आत्मघाती आक्रमणकारी शहरको अतिसंवेदनशील क्षेत्रमा कसरी पस्न सफल भयो भन्ने बारे कुरा गर्दै अन्सारीले आक्रमणकारीले प्रहरीको पोसाक लगाएको र प्रवेशद्वारमा रहेका सुरक्षाकर्मीले उसलाई प्रहरीसँग सम्बन्धित भएको ठानी झुक्किएको बताए ।
सोमबार दिउँसो आत्मघाती आक्रमणकारी हेल्मेट लगाएर मोटरसाइकलमा मुख्य गेटमा आई एक हवल्दारसँग मस्जिद कहाँ छ भनेर सोधेको बताउँदै आक्रमणकारीलाई यस क्षेत्रको बारेमा थाहा नभएकोजस्तो देखिएको छ ।
शक्तिशाली विस्फोटमा परी कम्तीमा एकसय जनाको मृत्यु हुनुका साथै अन्य २ सय भन्दाबढी घाइते भएका अस्पताल र प्रहरी अधिकारीहरुले बताएका छन् ।
