मुद्रास्फिति नियन्त्रणका लागि बेलायतको केन्द्रीय बैंकले ब्याजदर वृद्धि गर्ने
बेलायतको बैंक अफ इङ्ल्यान्डले जीवनयापनको लागत, सार्वजनिक क्षेत्रको हड्ताल र मन्दीको डरलाई बढावा दिने दोहोरो अङ्कको मुद्रास्फीतिलाई नियन्त्रण गर्ने उद्देश्यले ब्याज दरमा शून्य दलमलव ५ प्रतिशत बिन्दुले वृद्धि गर्ने अपेक्षा गरिएको छ ।
यो कदमले बेलायतको मुख्य ब्याज दरलाई चार प्रतिशतमा धकेल्नेछ । विश्व अर्थतन्त्रमा महामारीपछिको वृद्धि र युक्रेनमा रुसको युद्धका कारण मुद्रास्फीति ४० वर्षयताकै उच्च विन्दुमा पुगेपछि बेलायतको केन्द्रीय बैंकले लगातार १० पटक वृद्धि गरेको छ ।
बेलायती केन्द्रीय बैंकको लागि यो अन्तिम ठूलो दर वृद्धि हुन सक्ने अर्थशास्त्रीहरूको भनाइ छ । अमेरिकी फेडरल रिजर्भले आफ्नो प्रतिक्रियालाई कम गर्न सुरु गरिसकेको छ ।
अमेरिकाले आफ्नो प्रमुख ब्याज दरलाई बुधबार मात्र एक चौथाई बिन्दुले बढाएको थियो । यसैबीच, युरोपेली केन्द्रीय बैंकले शून्य दलमलव ५ अङ्कको वृद्धि हुने अपेक्षा गरिएको छ । बेलायतको मुद्रास्फीति लगातार दोस्रो महिना डिसेम्बरमा १० दशमलव ५ प्रतिशतमा झरेपछि ब्याजदर वृद्धि बन्द हुन सक्ने आशा पलाएको छ ।
