ब्राजिलका पूर्वराष्ट्रपतिमाथि छानबिन गर्न सर्वोच्च अदालत सहमत

ब्राजिलका पूर्व राष्ट्रपति जायर बोल्सोनारोले देशको काङ्ग्रेस, सर्वोच्च अदालत र राष्ट्रपति कार्यालयमा तोडफोड गर्ने अति दक्षिणपन्थी भीडलाई उक्साएको हो वा होइन भन्ने विषयमा अनुसन्धान गर्ने बिषयमा ब्राजिलको सर्वोच्च अदालत सहमत भएको छ ।

न्यायाधीश एलेक्जेन्ड्रे डी मोरेसले पूर्व राष्ट्रपति बोल्सोनारोले दङ्गाको दुई दिनपछि फेसबुकमा पोस्ट गरेको भिडियोलाई उदृत गर्दै भएको अनुसन्धानमा बोल्सोनारोलाई समावेश गर्न अभियोजकको कार्यालयबाट अनुरोध गरेका थिए ।

लुइज इनासियो लुला दा सिल्भालाई राष्ट्रपतिमा निर्वाचित नगरिएको तर सर्वोच्च अदालत र ब्राजिलको निर्वाचन प्राधिकरणले छानेको दाबी गरिएको छ । यद्यपि बोल्सोनारोले दङ्गापछि भिडियो पोस्ट गरेका थिए भने अर्को दिन यसलाई हटाएका थिए ।

बोल्सोनारोले अक्टोबर ३० मा पराजय भोगेपनि चुनावबारे निरन्तर टिप्पणी गरिरहेका छन् । उनले मतदानको दौडान इलेक्ट्रोनिक मतदान प्रणालीको विश्वसनीयताको बारेमा बारम्बार शङ्का उत्पन्न गर्दै त्यसपछि मेशिनको प्रयोग गरेर खसालिएका लाखौं मतपत्रहरू रद्द गर्न अनुरोध गर्दै आएका छन् ।

उनले आफूमाथि लगाइएका आरोपलाई कहिल्यै स्वीकार गरेका छैनन् । पूर्व राष्ट्रपतिको कुनै पनि दाबी प्रमाणित भएको थिएन र निर्वाचनको परिणामलाई बोल्सोनारोका केही सहयोगी र प्राय विदेशी पर्यवेक्षक तथा सरकारहरूले कानुनी रूपमा मान्यता दिएका थिए ।

गत डिसेम्बरको अन्त्यमा ब्राजिल छोडेका उनले जनवरी १ मा आफ्नो बामपन्थी उत्तराधिकारीको सपथ ग्रहण समारोहमा सहभागी भएका थिएनन् । उनी ओर्लान्डोको उपनगरमा बस्दै आएका छन् ।

ब्राजिलका केही प्रजातान्त्रिक सांसदले राष्ट्रपति जो बाइडेनलाई बोल्सोनारोको भिसा रद्द गर्न आग्रह गरेका छन् । न्यायाधीशको निर्णयपछि बोल्सोनारोका वकिल फ्रेडरिक वासेफले एक विज्ञप्ति जारी गर्दै भनेका छन्, ‘पूर्व राष्ट्रपतिले जनवरी ८ देखि भएको तोडफोड र विध्वंसात्मक कार्यलाई गैरकानुनी भन्दै आउनुभएको छ ।’

विज्ञप्तिमा बोल्सोनारोको यी स्वतःस्फूर्त भएका सामाजिक आन्दोलनसँग कुनै सम्बन्ध वा सहभागिता नभएको पनि उल्लेख गरिएको छ ।

जनवरी २ मा संघीय जिल्लाको सुरक्षा प्रमुख बनेका बोल्सोनारोका पूर्व न्यायमन्त्री एन्डरसन टोरेस दङ्गाको दिन अमेरिकामा थिए । डे मोरेसले यसै हप्ता टोरेसलाई पक्राउ गर्न आदेश दिएका थिए । उनको कार्यको अनुसन्धान सुरु गरेका छन्, जसलाई उनले ‘उपेक्षा र मिलेमतो’ को रूपमा चित्रण गरेका छन् ।

अदालतले पूर्व सुरक्षा प्रमुखका लागि पक्राउ पुर्जी पनि जारी गरेको छ र उनी तीन दिनभित्र स्वदेश फर्किनुपर्ने अन्यथा ब्राजिलले उनको सुपुर्दगीका लागि अनुरोध गर्ने न्यायमन्त्री फ्लाभियो डिनोले बताएका छन् ।