टर्कीस् राष्ट्रपति एर्दोगान र रुसी राष्ट्रपति पुटिनबीच टेलिफोन वार्ता
टर्कीका राष्ट्रपति रेसेप तैयप एर्दोगान र उनका रुसी समकक्षी भ्लादिमिर पुटिन बीच टेलिफोन वार्ता भएको छ । वार्तामा अनाज निर्यात सम्झौता र प्राकृतिक ग्यास सहयोगका बारेमा छलफल भएको टर्कीका राष्ट्रपतिको कार्यालयले विज्ञप्तिमार्फत जनाएको छ ।
टर्कीमा प्राकृतिक ग्यास हब स्थापना गर्ने पुटिनको प्रस्तावको प्रशंसा गर्दै एर्दोगानले टर्कीका टोलीले आवश्यक प्राविधिक, कानुनी र व्यावसायिक मूल्याङ्कन अगाडि बढाउने बताएका छन् ।
राष्ट्रपति एर्दोगानले युक्रेनबाट अनाज निर्यातमा भएको सम्झौताको विस्तारमा पुटिनको रचनात्मक अडानका लागि धन्यवाद पनि दिएका छन् ।
राष्ट्रपति एर्दोगानले यसअघि ट्वीट गर्दै टर्किले आयोजना गरेको चारतर्फी वार्तापछि ब्ल्याक सी ग्रेन करिडोर सम्झौता नोभेम्बर १९ सम्म १२० दिनका लागि लम्ब्याइएको बताएका छन् ।
प्रारम्भिक सम्झौता, रसिया र युक्रेनले जुलाईको अन्तमा टर्की र संयुक्त राष्ट्र संघसँग छुट्टाछुट्टै हस्ताक्षर भएको थियो। यसको उद्देश्य रुससँगको द्वन्द्वको क्रममा युक्रेनबाट विश्व बजारमा खाद्यान्न र मल निर्यात सुनिश्चित गर्ने थियो।