युक्रेन युद्धले विश्वभर ऊर्जा र खाद्य संकट बढाउने भन्दै भारतको चिन्ता
युक्रेनमा जारी द्वन्द्वका कारण भारतले विश्वभर ऊर्जा र खाद्य सुरक्षाको बारेमा बढ्दो चिन्ता व्यक्त गरेको छ ।
युक्रेनमा संयुक्त राष्ट्रसंघ सुरक्षा परिषद्को बहसलाई सम्बोधन गर्दै संयुक्त राष्ट्रसंघका लागि भारतका राजदूतले युक्रेन द्वन्द्वले विशेष गरी विकासोन्मुख देशहरूमा पर्ने प्रतिकूल प्रभाव परेको बताएका छन् ।
उनले युक्रेन द्वन्द्वको प्रभाव युरोपमा मात्र सीमित नभई विश्वभर उत्तिकै डरलाग्दो रहेको बताएका छन् । युक्रेनका २४ क्षेत्रहरू मध्ये कम्तिमा १६ क्षेत्रहरूमा र राजधानी कीभमा महत्वपूर्ण पूर्वाधारमा मिसाइल आक्रमण हुन थालेपछि युक्रेनका लाखौं मानिसहरू आज बिजुली, पानी लगायत इन्धनको अभावमा पर्न थालेका छन् ।
ऊर्जा मन्त्रालयका अनुसार युद्ध शुरु भएदेखि नै ऊर्जा पूर्वाधारमा अहिले ठूलो क्षति हुँदै गएको र यसले देशभरका रेलहरूमा व्यापक ढिलाइ भएको र लाखौं मानिसहरूलाई दूरसञ्चारविहीन बनाएको बताइएको छ ।
