इस्तानबुलमा भएको आक्रमणमा आतङ्ककारीको हात छः राष्ट्रपति एर्डाेगान
टर्कीको स्तानबुलमा भएको आक्रमण आतङ्ककारीहरुले गराएको टर्कीको आशङ्का रहेको छ । राष्ट्रपति रिसेप तैयप एर्डाेगानले यो कार्य आतङ्ककारीहरुबाट भएको बताएका हुन् ।
उनले भने,‘अहिले नै यसो भन्न त हतार हुनसक्छ, त्यसैले मैले सय प्रतिशत नै आतङ्ककारी हमला त भन्न सक्दिन, तर पनि यो काम आतङ्ककारीकै हो भन्ने हाम्रो प्रारम्भिक अनुसन्धानले देखाएको छ ।’
टर्कीको इस्तानबुलमा आइतबार अपराह्न बम आक्रमण भएको थियो । अज्ञात व्यक्तिबाट भएको सो हमलामा परेर कम्तीमा पनि छ जनाको ज्यान गएको छ भने अरु ५३ जना घाइते भएका छन् ।