संयुक्त राष्ट्रसङ्घद्वारा इराकमा गरिएको हिंसात्मक हमलाको निन्दा

इराकको एक रिसोर्टमा भएको हिंसात्मक हमलाको संयुक्त राष्ट्रसङ्घले निन्दा गरेको छ । इराकको डुहोक प्रान्तको एक रिसोर्टमा बुधबार भएको हिंसात्मक हमलाको इराकका लागि संयुक्त राष्ट्रसङ्घीय मिसनले निन्दा गरेको छ ।

रिसोर्टमा भएको हमलामा परी नौ जनाको ज्यान गएको थियो भने अरु २३ जना घाइते भएका थिए । ती सबै जना पर्यटक रहेका इराकको गृह मन्त्रालयले जानकारी दिएको छ ।

इराकी सरकारी समाचार समितिका अनुसार इराकका लागि संयुक्त राष्ट्रसंघीय मिसनले विज्ञप्ति प्रकाशन गरी हमलाको निन्दा गरेको जनाएको छ । विज्ञप्तिमा हिंसात्मक हमलाको अनुसन्धान गरी दोषीमाथि कारबाही गर्न पनि माग गरिएको छ ।