कोभिड खोप नलगाएकाले मुटु प्रत्यारोपण गर्न अमेरिकी अस्पतालद्वारा अस्वीकार



अमेरिकाको एउटा अस्पतालले कोभिड–१९ विरुद्धको खोप नलगाएका एक बिरामीको मुटु प्रत्यारोपण गर्न अस्वीकार गरेको छ । उनको मुटु प्रत्यारोपण नगरिनुका विभिन्न कारणमध्ये खोप नलगाउनु पनि एउटा भएको अस्पतालले जनाएको छ ।

३१ वर्षीय डीजे फर्गसन नयाँ मुटुको प्रतीक्षामा भएका बिरामी हुन् । तर बोस्टनको ब्रिगम एन्ड विमिन्स हस्पिटलले मुटु प्रत्यारोपण कुरिरहेका बिरामीको सूचीबाट उनको नाम हटाएको उनका बुबा डेभिडले बताएका छन् । डेभिडका अनुसार कोभिड खोप उनका छोराको आधारभूत मान्यता विरुद्ध छ र उनी खोपमा विश्वास गर्दैनन् ।

अस्पतालले भने आफ्नो नीतिअनुसार काम गरेको जनाएको छ । ब्रिगम एन्ड विमिन्स हस्पिटलले एउटा वक्तव्यमार्फत् उपलब्ध अङ्गहरूको अभावका कारण प्रत्यारोपित अङ्ग पाएका व्यक्ति बाँच्ने सम्भावना उच्च रहोस् भनेर सुनिश्चित गर्न यथासम्भव सबै प्रयास गर्ने जनाएको छ ।

अस्पतालका प्रवक्ताका अनुसार उनीहरूको रोग प्रतिरोधी क्षमता एकदमै कमजोर हुने भएका कारण सफल प्रत्यारोपण र त्यसपछि बिरामी बाँच्ने अवस्था बढाउनका लागि प्रत्यारोपण गरिने व्यक्तिहरूको कोभिड–१९ विरुद्धको खोप र अनुशासित जीवनशैलीको अवस्था अस्पतालले सुनिश्चित गर्ने गरेको छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
दक्षिण कोरियामा कोरोना संक्रमणबाट एकैदिन २७ जनाको मृत्यु

दक्षिण कोरियामा कोभिड १९ को संक्रमणबाट एकैदिन ३५ हजार जनाभन्दा बढी संक्रमित भएको

तालिवानद्वारा अफगानिस्तानको मानवअधिकार आयोग विघटन

अफगानिस्तानमा मानवअधिकारको गम्भीर अवस्थाको बारेमा बढ्दो चिन्ताको बीचमा तालिवानले मानव अधिकार आयोगलाई विघटन

दिल्लीस्थित एक भवनमा आगलागी हुँदा कम्तीमा २७ जनाको मृत्यु

भारतको दिल्लीस्थित एक कार्यालय भवनमा आगलागी हुँदा कम्तीमा २७ जनाको मृत्यु भएको छ

युएईका राष्ट्रपति शेख खलिफाको निधन

संयुक्त अरब इमिरेट्स (यूएई)का राष्ट्रपति तथा अबु धाबीका शासक सेख खलिफा बिन जायेद