क्यालिफोर्नियामा जहाज दुर्घटना हुँदा चारजनाको मृत्यु
अमेरिकाको क्यालिफोर्नियामा भएको जहाज दुर्घटनामा परी कम्तीमा पनि चार जनाको ज्यान गएको छ । जहाज सानो आकारको र एकमात्र इन्जिनको रहेको थियो । क्यालिफोर्नियाको लस एञ्जलसबाट करिब ३२० किलोमीटर उत्तरी क्षेत्रमा जहाज दुर्घटनाग्रस्त भएको थियो ।
यहाँको स्थानीय भिसिला म्युनिसिपल एरपोर्टबाट उडेको केही क्षणमा नै विमान दुर्घटनामा परेको थियो । जहाज छ सिट क्षमताको थियो र त्यसमा रहेका चार जनाको घटनास्थलामै ज्यान गएको थियो ।
दुर्घटनामा परेर ज्यान गुमाएकाहरुको पहिचान खुल्न सकेको छैन । अधिकारीहरुले घटनाको अनुसन्धान जारी रहेको बताएका छन् । यस विषयमा थप जानकारी प्राप्त हुन सकेको छैन ।