गाम्बियाको राष्ट्रपति निर्वाचनमा ब्यारो दोस्रो कार्यकालका लागि निर्वाचित



गाम्बियाको राष्ट्रपति चुनावमा आदामा ब्यारोे दोस्रो कार्यकालमा सहजै जित हासिल गरेका छन् । आइतबार ढिलो नतिजा घोषणा भएपछि हजारौं समर्थकहरूले बान्जुलमा उनको जितमा उत्सव मनाएका छन् ।

अफ्रिकी राष्ट्र गाम्बियामा राष्ट्रपति निर्वाचनका लागि गत शनिबार मतदान भएको थियो । पूर्वतानाशाह याह्या जाम्मेह निर्वासनमा भागेपछि यहाँ राष्ट्रपतिको लागि निर्वाचन शुरु भएको हो । यहाँ जाम्मेहले १९९४ मा रक्तहीन ‘कू’द्वारा सत्ता कब्जा गरेपछि २२ वर्ष शासन गरेका थिए ।

प्रतिद्वन्द्वी उम्मेदवारहरूले आंशिक नतिजालाई चुनौती दिएको केही घण्टापछि पत्रकारहरूलाई अन्तिम नतिजा घोषणा गर्दै निर्वाचन आयोगका अध्यक्ष अलिउ मोमर न्जाइले ब्यारोलाई विजयी घोषणा गरेका थिए ।

ब्यारोले आफ्ना समर्थकहरूलाई ‘स्वतन्त्र, निष्पक्ष र पारदर्शी चुनाव’ मा आफ्ना विरोधीहरूलाई मतदान गर्नेहरूलाई सम्मान गर्न आग्रह गरेका छन् । “म सक्दो गर्नेछु र गाम्बियालाई हामी सबैको लागि राम्रो ठाउँ बनाउन मेरो अधिकारमा भएका सबै स्रोतहरू प्रयोग गर्नेछु,“ उनले भनेका छन् । पूर्ण परिणामहरू घोषणा हुनु अघि, ब्यारोका तीन प्रतिद्वन्द्वीहरूले आंशिक नतिजाहरूलाई अस्वीकार गरेका थिए ।

“यस चरणमा हामी अहिलेसम्म घोषणा गरिएको नतिजालाई अस्वीकार गर्छौं,“ डार्बो र अन्य दुई उम्मेदवारहरूले संयुक्त विज्ञप्तिमा भनेका थिए । आधिकारिक नतिजा अनुसार, ८७ प्रतिशत मतदानको साथ – अर्को पाँच वर्षको लागि –मुख्य भूमि अफ्रिकाको सबैभन्दा सानो आफ्नो देशको नेतृत्व कसले गर्ने छनोट गर्न गाम्बियनहरू शनिबार मतदान केन्द्रहरुमा पुगेका थिए ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
अफगानिस्तानमा भूकम्पमा परी कम्तीमा २६ जनाको मृत्यु

पश्चिमी अफगानिस्तानमा गएको भूकम्पमा परी कम्तीमा २६ जनाको मृत्यु भएको छ । सोमबार

भारतमा थप दुई लाख ३८ हजारलाई कोरोना संक्रमण

भारतमा कोरोनाभाइरसबाट पछिल्लो एक दिनमा थप दुई लाख ३८ हजार १८ जना सङ्क्रमित

पाकिस्तानी प्रधानमन्त्री र रुसी राष्ट्रपतिबीच टेलिफोनवार्ता

पाकिस्तानी प्रधानमन्त्री इमरान खानले सोमबार रूसी राष्ट्रपति भ्लादिमिर पुटिनसँग टेलिफोनवार्ता गरेका छन् ।

अष्ट्रेलियामा कोरोना संक्रमणबाट एकैदिन ७४ जनाको मृत्यु

अष्ट्रेलियामा कोभिड १९ बाट २४ घन्टामा अहिलेसम्मकै सबैभन्दा धेरै नागरिकको मृत्यु भएको छ