साङ्गितिक महोत्सवमा भागाभाग हुँदा अमेरिकामा कम्तीमा ८ जनाको मृत्यु



अमेरिकाको टेक्ससमा एउटा साङ्गितिक महोत्सवको उद्घाटनका अवसरमा कम्तीमा ८ जना को मृत्यु भएको छ र कैयौँ घाइते भएका छन्। ट्रयाभिस स्कटको एस्ट्रोवर्ल्ड फेस्टिभलमा भिड मञ्चको अगाडि जान खोज्दा भागाभाग मच्चिएको अधिकारीहरूले बताएका छन् ।

अधिकारीहरूका अनुसार ११ जना मानिसलाई हृदयाघात भएर अस्पताल लगिएको थियो र आठ जनाको मृत्यु भयो । करिब तीन सय जनालाई चोटपटक लागेर उपचार गरिएको थियो । महोत्सवमा करिब ५० हजार मानिसको सहभागिता थियो । घटना शुक्रवार राति स्थानीय समय अनुसार करिब सवा ११ बजे भएको थियो ।

ह्युस्टन, अग्नि नियन्त्रक प्रमुख स्यामुयल पेनाकाले मानिसको भिडले मञ्चको अघिल्लो भागलाई थितेको र मानिसहरू आतङ्कित हुन थालेर घटना भएको बताए ।

उनका अनुसार भागाभागमा परी मानिसहरू घाइते भएपछि त्यहाँ उपस्थित अरू मानिस झनै आत्तिएका थिए । ह्युस्टन क्रोनिकलका अनुसार, सोही सहरका र्यापर ट्राभिस स्कट आफ्नो ७५ मिनेट लामो प्रस्तुति अवधिमा धेरै पटक रोकिएका थिए।

उनले अगाडि बसेका दर्शकहरूबीच तनाव सिर्जना भएको देखेका थिए । स्कटले सुरक्षाकर्मीहरूलाई उपस्थित दर्शक ठीक छन् भन्ने सुनिश्चित गर्न र भिडबाट बाहिर निक्लन मद्दत गर्न समेत आग्रह गरेका थिए ।

मानिसहरू घाइते भएको देखिएपछि आयोजकले कार्यक्रम बन्द गरेको थियो । तर, घाइतेहरूको सङ्ख्या ठूलो भएका कारण उपलब्ध चिकित्सा सुविधा पर्याप्त नभएको अग्नि नियन्त्रक प्रमुखको दाबी छ ।

महोत्सवको दोस्रो र अन्तिम दिन शनिवार हुने कार्यक्रम रद्द गरिएको छ । आयोजक ‘लाइभ नेसन’ले तत्काल घटनाबारे कुनै प्रतिक्रिया नजनाएको समाचार एजेन्जी रोयटर्सले जनाएको छ । एस्ट्रोवर्ल्ड फेस्टिभल सन् २०१८ देखि हरेक वर्ष एआरजी पार्कमा हुँदै आएको कार्यक्रम हो। गत वर्ष भने कोरोनाभाइरस महामारीका कारण महोत्सव स्थगित भएको थियो।

 

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
युक्रेन–रसिया युद्धले खोस्यो फिनल्याण्डवासीको खुसी

हरि लाछिाने, हेल्सिन्की । युक्रेन–रसिया युद्धका कारण विश्वका अधिकांश मुलुक मूल्यवृद्धिको मारमा छन्

उत्तर कोरियाद्वारा दुई वटा क्रुज क्षेप्यास्त्र प्रहार

उत्तर कोरियाले बुधबार दुईवटा क्रुज क्षेप्यास्त्र प्रहार गरेको सोलको रक्षा मन्त्रालयले जनाएको छ

युक्रेनका राष्ट्रपतिले राष्ट्रसङ्घीय महासचिव र टर्कीका राष्ट्रपतिसँग भेट गर्ने

युक्रेनका राष्ट्रपति भोलोदिमिर जेलिन्स्किीले संयुक्त राष्ट्रसङ्घका महासचिव एन्टोनियो गुटर्रेस र टर्कीका राष्ट्रपति रिसेप

बाढीमा परी सुडानमा ७५ जनाको मृत्यु

सुडानमा केही दिनयतादेखि भीषण वर्षा जारी रहेको बताइएको छ । वर्षाका कारण यहाँ