इक्वेडरको कारागारका कैदीहरुबीच झडप हुँदा २४ जनाको मृत्यु
इक्वेडरको एक कारागारमा भएको झडपमा परी कम्तीमा २४ जना कैदीको ज्यान गएकोे छ । कारागारमा राखिएका कैदीहरुबीच भएको झडपमा उनीहरु मारिएका हुन् । त्यस क्रममा अरु ४२ जना घाइते भएका छन् ।
घाइतेमध्ये धेरैको अवस्था गम्भीर रहेको प्रहरीले जानकारी दिएको छ । मंगलबार यहाँको समुन्द्रीय तटीय नगर गाकुइलमा रहेको जेलमा झडप भएको थियो । राष्ट्रिय प्रहरीले ती कैदीहरुबीच के कति कारणले झडप भएको हो भन्ने बारेमा अनुसन्धान जारी रहेको जनाएको छ ।