चीनको सिचुवानमा भूकम्प, कम्तीमा दुई जनाको मृत्यु
चीनको दक्षिण पश्चिम सिचुवान प्रान्तमा भूकम्प जाँदा कम्तीमा दुईजनाको मृत्यु भएको छ । भूकम्पका कारण घरहरू भत्किएका छन् भने कम्तिमा ५९ जना घाइते भएका छन् ।
बिहीबार बिहान ४ः३३ मा ६ म्याग्निच्युडको भूकम्प गएको साउथ चाइना मर्निङ पोष्टले जनाएको छ । भूकम्पपछिको उद्धारकार्य भइरहेको बताइएको छ । सिचुवानमा सन् २००८ मा गएको ७.९ म्याग्निच्युडको भूकम्पमा परी करिब ९० हजार मानिसको ज्यान गएको थियो ।
