कश्मिरका पृथकतावादी नेता गिलानीको निधन
कश्मिरका पृथकतावादी नेता सैयद अली शाह गिलानीको निधन भएको छ । अल पार्टी हुर्रियत कन्फ्रेन्सका अध्यक्ष रहेका गिलानीको गएराति निधन भएको हो ।
पिडिपीका नेता महबाबु मुफ्तीले सामाजिक सञ्जालमार्फत उनको निधनको पुष्टि गरेका भारतीय संचार माध्यमले जनाएका छन् । यता कश्मिरमा गिलानीको निधनपछि प्रतिबन्धहरु थप गरिएका छन् ।
सरकारले इन्टरेट सेवा पनि बन्द गरिदिएको छ । कश्मिरको सोपोर विधानसभामा तीन पटक विधायकको भूमिकामा निर्वाचित उनको जन्म २९ सेप्टेम्बर १९२९ मा भएको थियो।
कश्मिरलाई भारतको भाग नमानेका कारण भारतले उनको पासपोर्टसमेत खोसेको थियो । कश्मिरमा दंगा भड्काएको भन्दै भारतले उनीमाथि देशद्रोहको मुद्दासमेत लगाएको थियो ।
