तीन उत्तर कोरियाली नागरिकले ह्याकिङ गरेर १.३ अर्ब डलर चोर्न खोजेको अमेरिकाको आरोप

अमेरिकाले विश्वभरका बैंक तथा व्यवसायबाट उत्तर कोरियाका तीन नागरिकले १.३ अर्ब अमेरिकी डलरभन्दा बढी रकम चोर्न खोजेको अभियोग लगाएको छ । पक्राउ नपरेका ती तीन जनामाथि द्वेषपूर्ण क्रीप्टोकरेन्सी प्रोग्रामहरू प्रयोग गरेको आरोप लगाइएको छ ।

उत्तर कोरियाका ती नागरिकमाथि सन् २०१७ मा ’वाना क्राइ’ साइवर हमलामा समेत संलग्न रहेको आरोप लगाइएको छ जसले यूकेको स्वास्थ्यसम्बन्धी कम्प्युटर प्रणालीलाई प्रभावित बनाएको थियो । त्यसले बेलायत बाहेक विश्वभरका १५० भन्दा बढी देशहरूमा समेत प्रभाव पारेको बताइन्छ ।

पार्क जीन ह्योकमाथि दुई वर्ष अघि सन् २०१४ मा सोनी एन्टरटेन्मेन्ट पिक्चर्सलाई ह्याक गरेको समेत आरोप लगाइएको थियो । सोनी एन्टरटेनमेन्ट पिक्चर्सले सन् २०१४ मा सार्वजनिक गरेको द इन्टरभ्यु चलचित्र उक्त कम्पनी लक्षित साइवर हमलाको प्रारम्भिक कारण रहेको विश्वास गरिन्छ । व्यङ्ग्यात्मक उक्त चलचित्रमा उत्तर कोरियाली नेता किम जङ(अनको खिसीटिउरी गरिएको छ ।

अमेरिकाको न्याय मन्त्रालयले उनी उत्तर कोरियाको सैन्य खुफिया एजेन्सीमा कार्यरत रहेको जनाएको छ । हाल अभियोग लगाइएका तीनै जना उत्तर कोरियामा नै रहेको बताइएको छ जसले अमेरिकी अभियोगका आधारमा आफ्ना नागरीहरूलाई सुपुर्दगी गर्दैन ।