विश्वका २ करोड ३६ लाख ७६ हजार मानिस कोरोना संक्रमणमुक्त
विश्वभर महामारीको रुपमा फैलिएको कोरोना भाइरस संक्रमितको संख्या ३ करोड २० लाख नाघेको छ । विश्वमा कोरोना भाईरस संक्रमितको संख्या ३ करोड २० लाख ९४ हजार ३४ पुगेको वल्डोमिटरमा उल्लेख छ । हालसम्म २ करोड ३६ लाख ७६ हजार ३ सय ४९ जना कोरोनाबाट निको भएका छन् ।
यस्तै, कोरोना संक्रमणका कारण विश्वभर मृत्यु हुनेको संख्या ९ लाख ८१ हजार ९ सय ६२ पुगेको छ । संक्रमितमध्ये ७४ लाख ३५ हजार ७ सय बढीको विभिन्न अस्पतालमा उपचार भइरहेको छ भने ६२ हजार ३ सय बढीको अवस्था गम्भीर रहेको छ ।
कोरोना संक्रमणका कारण सबैभन्दा बढी प्रभावित अमेरिकामा संक्रमितको संख्या ७१ लाख ३८ हजार ५ सय ५३ पुगेको छ । कोरोनाका कारण २ लाख ६ हजार ५ सय भन्दा बढीको मृत्यु भएको छ भने ४३ लाख ९८ हजार ९ सय भन्दाबढी मानिस निको भएका छन् ।
यस्तै, भारतमा कोरोना संक्रमितको संख्या ५७ लाख ३० हजार १ सय ८४ पुगेको छ । भारतमा कोरोनाका कारण मृत्यु हुनेको संख्या ९१ हजार १७३ पुगेको छ भने ४५लाख ७१ हजार भन्दाबढी संक्रमणमुक्त भएका छन् ।
ब्राजिलमा ४४६ लाख २७ हजार ७ सय ८० मानिस संक्रमित भएका छन् भने १ लाख ३९ हजार बढीको मृत्यु भएको छ । संक्रमितमध्ये ३९ लाख ९२ हजार भन्दाबढी निको भएका छन् ।
