बेलायतको बर्मिङ्घममा अज्ञात समूहको आक्रमणबाट कैयौँ घाइते
बेलायतको बर्मिङ्घम शहरमा मध्यरातमा एक समूहले धारिलो हतियारले आक्रमण गर्दा कैयौँ व्यक्ति घाइते भएका छन् । इङ्ल्याण्डको दोस्रो ठूलो शहर बर्मिङ्घममा भएको उक्त आक्रमणलाई प्रहरीले ‘ठूलो आक्रमण’ भएको बताएको छ तर घटनामा कति व्यक्ति घाइते भए भन्नेबारेमा केही उल्लेख गरिएको छैन । वेस्ट मिडल्याण्ड प्रहरीद्वारा जारी विज्ञप्तिमा मध्य राति शहरको मध्यक्षेत्रमा छुरा प्रहार भएको जानकारी प्राप्त भएको उल्लेख छ ।
