बाढीका कारण अफगानिस्तानमा कम्तिमा १२० जनाको मृत्यु
अफगानिस्तानमा हालैका दिनहरुमा आएको बाढीका कारण १२० जनाको मृत्यु भएको छ । दुई दिनदेखि अफगानिस्तानमा जारी वर्षाका कारण भिषण बाढी आएको र बाढीमा परी १२० जनाको मृत्यु भएको तथा अरु १५० जना घाइते भएका त्यहाँका सुरक्षा अधिकारीहरुले जानकारी दिएका छन् ।
ती घटनाहरु देशका कम्तीमा पनि १२ वटा प्रान्तमा भएको विपद् व्यवस्थापन सम्बन्धी राज्यमन्त्री बहुद्दिन जिलानीले जानकारी दिएका छन् ।
स्थानीय अधिकारीकाअनुसार पार्वान प्रान्तमा मात्रै ८५ जनाको मृत्यु भएको छ भने त्यहाँ १०० जना भन्दा बढी घाइते भएका छन् । बढीको क्रम निरन्तर रहेकोले कतिपय प्रान्तकामा उद्धारकर्ताले प्रभावकारी रुपमा उद्धारको काम गर्न नसकेको र कतिपय व्यक्तिको शव पनि नभेटिएको टोलो न्युजले जनाएको छ ।
