इजरायलमा ११ सय वर्ष पुरानो गाडधन फेला



मध्य इजरायलस्थित एउटा पुरातात्विक स्थलमा काम गरिरहेका एक स्वयंसेवी युवकले ४२५ वटा प्राचीन असर्फीहरू भएको गाडधन फेला पारेका छन् । ती सुनका सिक्काहरू ११ सय वर्षअघि माटोको एउटा भाँडोमा राखेर त्यहाँ गाडिएको विश्वास गरिएको छ । ती सिक्काहरूको कुल तौल ८४५ ग्राम छ ।

जति बेला ती सिक्काहरू गाडियो त्यति बेला त्यो ठूलो धन थियो र त्यसले उक्त क्षेत्रमा एउटा भव्य घर किन्न पुग्ने अनुमान गरिएको छ । कसले ती सिक्काहरू लुकायो र किन पछि झिकेन भन्ने कुरा रहस्यकै गर्भमा छ ।

इजरेलको पुरातत्व हेर्ने निकायमा उत्खनन् विभागका निर्देशकहरू लियाट नादाभजिभ र एली हाड्डाडले ११ सय वर्षअघि यो धन गाड्ने व्यक्तिले पछि निकाल्ने विचार गरेको र उसले उक्त भाँडो नसरोस् भनेर काँटी पनि ठोकेको बताएका छन् ।

उनीहरूका अनुसार त्यति ठूलो परिमाणमा सुनका सिक्का फेला पर्नु दुर्लभ मानिन्छ । ती असर्फीहरू फेला पार्ने युवक ओज कोहेनले आफूले पहिला भुइँ खनेर माटो निकालेपछि मसिनो पातजस्तो वस्तु देखेको बताए ।

फेरि हेर्दा ती वस्तुहरू सुनका सिक्का पो रहेको उनले बताए । प्राचीन सिक्काका जानकार रोबर्ट कूलका अनुसार उक्त गाडधनमा सुनले बनेका ’दिनार’ बाहेक २७० वटा सुनका साना टुक्रा पनि थिए । ती टुक्राहरू असर्फी काटेर खुद्रा पैसाका रूपमा प्रयोग गरिन्थ्यो।

 

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
अब अमेरिकामा दशौँ लाख महिलाले गर्भपतन सम्बन्धी कानुनी अधिकार गुमाउने

अमेरिकाको सर्वोच्च अदालतले देशव्यापी रूपमा गर्भपतन वैध हुने ५० वर्षअघिको एउटा आदेशलाई उल्ट्याउँदै

जर्मनीले ग्यासको अभावमा कठिन निर्णयहरू सामना गर्दै

इन्धनको रुसी आपूर्ति घट्दै गएपछि जर्मनीले ग्यासअभावको स्थितिमा ‘कठिन समाजिक अवस्था’ को सामना

विकासलाई अन्तर्राष्ट्रिय एजेण्डाको केन्द्रमा राख्नुपर्छः राष्ट्रपति सी

चिनियाँ राष्ट्रपति सी जिनपिङले विश्वव्यापी विकाससम्बन्धी उच्चस्तरीय संवादमा अन्तर्राष्ट्रिय एजेण्डाको केन्द्रमा विकासलाई राख्नुपर्नेमा

अफगानिस्तानका भूकम्प पीडितलाई राष्ट्रसङ्घीय एजेन्सीले सहयोग गर्ने

अफगानिस्तानका भूकम्प पीडितहरुका लागि संयुक्त राष्ट्रसङ्घीय एजेन्सीहरुले सहयोग गरिरहेका राष्ट्रसङ्घीय प्रवक्ताले जानकारी दिएका